Алкасап
Информацискиот систем mySAP ERP (Enterprise Resource Planning), брендиран како AlkaSAP, претставува интегриран систем за целосно управување со податочниот систем во Алкалоид, за обработка и следење на сите податоци потребни за непречено и ефикасно функционирање на бизнис - процесите. Системот успешно и непрекинато функционира од неговата имплементација, а опфаќа вкупно 6 модули:
- FI (FInance) - Финансии и книговодство
- CO (Controlling) - Бизнис - планирање и контролинг
- MM/WM (Material Management / Warehouse Management) - Управување со материјали и со магацини
- SD (Sales & Distribution) - Продажба и дистрибуција
- PP (Planning Production) - Планирање на производството
- QM (Quality Management) - Управување со квалитет
Покрај главните модули, опфатени се и други сегменти од работењето на Компанијата како MRP (Material Requrement Planning) - материјално планирање, LC (Legal Consolidation) - консолидација итн.
Во секојдневното функционирање на Системот активно се вклучени 197 корисници, со различни авторизации и области на работење. Поддршката на корисниците покрај на ниво на модул, континуирана е и во делот за Системска поддршка, Програмска поддршка и Валидациски процес.
Во согласност со долгорочниот стратешки план за развој на сопствените информатички ресурси (вклучително и AlkaSAP), во тек се активности врзани за повеќе проекти од кои посебно може да се истакнат:
- ROIT (Reconstruction of Object IT) проектот - којшто опфаќа комплетна реконструкција на објектот каде што е лоцирана централната информатичка опрема на Алкалоид;
- BC/DR (Business Continuity/Disaster Recovery) проектот - којшто ќе овозможи продолжување на функционирањето на бизнис - процесите од секундарната локација, во случај на катастрофа, на примарна локација;
- AlkaloidRusija - голема надградба на компјутерската инфраструктура во претставништвото на Алкалоид во Русија;
- RollOut проектот - којшто претставува прва имплементација (пресликување со соодветно приспособување) на AlkaSAP решението во една од Алкалоидовите ќерки - компании.
Како главна контролна точка (milestone) за информатичките проекти што се во тек е 31.12.2010 година, до кога, според проектните планови, треба сите да бидат завршени.